លោក​អូ​បា​ម៉ា បញ្ចប់​​ការបិទទ្វារ​រដ្ឋាភិបាលសហ​រដ្ឋ​អាមេរិក​

ប្រធានាធិបតី​អាមេរិក លោក​ បា​រ៉ាក់ ​អូបា​ម៉ា នៅ​​ថ្ងៃ​ព្រហស្បតិ៍​នេះ​ ​បានចុះហត្ថលេខា​លើ​​គម្រោង​​ច្បាប់ ដើម្បី​បញ្ចប់​ការបិទទ្វារ​រដ្ឋាភិបាល ដែល​​មាន​រយៈ​ពេល​ពីរ​​សប្ដាហ៍។​

​សេត​វិមាន​​ បានប្រកាស​ដូចនេះ គឺ​បន្ទាប់​ពី​​សភា និង​​ព្រឹទ្ធ​សភា​​យល់ព្រមឲ្យ​សេត​វិមាន បន្ត​ពង្រីក​បំណុល​សាធារណៈជាថ្មីទៀត​។

​គេ​រំពឹងថា បុគ្គលិក​ជាប់​ពាក់ព័ន្ធ ដែល​រង​ការបិទទ្វារ​រដ្ឋាភិបាល​រយៈពេល​ពី​ឬ​សប្ដាហ៍ ​នឹង​​មក​ធ្វើការ​វិញ នៅ​ពេល​ព្រឹកថ្ងៃ​ព្រហស្បតិ៍ម៉ោង​នៅ​អាមេរិក ហើយ​សង្ឃឹម​ថា​និរន្តរ​ភាព​សេដ្ឋកិច្ច និងទីផ្សា​រភាគហ៊ុន នឹង​មាន​លំនឹង​​ល្អប្រសើរ​។

ប្រធានព្រឹទ្ធសភា សំឡេង​​ភាគច្រើន Harry Reid និង​លោក​ព្រឹទ្ធសភា មកពី​គណបក្ស​សាធារណ​រដ្ឋ Mitch McConnell រួមជាមួយ​នឹង​ប្រធាន​រដ្ឋសភា John Boehner គឺជា​ក្រុម​មេដឹកនាំ ដែល​ធ្វើ​ឲ្យភាពទាល់ច្រក ត្រូវបាន​​បំបែក ហើយ​ឈានដល់​កិច្ចព្រមព្រៀង ជាមួយ​លោក អូ​បា​ម៉ា។​

​លោក​ប្រធានាធិបតី​អាមេរិក អូ​បា​ម៉ា រំពឹងថា សេត​វិមាន​នឹង​ទទួលបាន ការទុកចិត្ត​ជាថ្មីទៀត ពី​ប្រជាជន​អាមេរិក៕

ប្រភព៖ VOD