ភ្នំពេញ៖ បុរសម្នាក់បានរងរបួសធ្ងន់ធ្ងរ ហើយត្រូវបានរថយន្តសាមុយដឹកទៅ សង្គ្រោះ ភ្លាម ខណៈដែលរួបគេជិះម៉ូតូសេ១២៥មួយគ្រឿងទៅបុករថយន្តតូយូតាពេញ ទំហឹ កាលពីវេលាម៉ោង២១និង៣០នាទីយប់ថ្ងៃទី១៥ ខែតុលាឆ្នាំ២០១៣ តាមបណ្ដោយផ្លូវលេខ២០0៤ កែងនិងផ្លូវសហព័ន្ធរូស្ស៊ី ស្ថិតក្នុងសង្កាត់កាកាប ខណ្ឌពោធិ៍សែនជ័យ។
តាមសាក្សីពីសមត្ថកិច្ចបានឲ្យដឹងថាមុនពេលកើតហេតុគេបានឃើញម៉ូតូសេ១២៥ ពណ៌ខ្មៅ ពាក់ស្លាកលេខបាត់ដំបង 1E-4113 ជិះម្នាក់ឯង ធ្វើដំណើរតាមបណ្ដោយ ផ្លួវសហព័ន្ធរូស្ស៊ី ក្នុងទិសដៅ ពីលិចទៅកើត ក្នុងល្បឿនលឿន ខណៈមកដល់ ចំណុច កើតហេតុ ស្រាប់ ជ្រុលទៅបុករថយន្តតូយូតា ពណ៌ស ពាក់ស្លាកលេខភ្នំពេញ1-1815 ធ្វើដំណើរតាម បណ្ដោយ ផ្លូវលេខ២០០៤ ក្នុងទិសដៅពីកើតទៅលិចបានបុក យ៉ាង ពេញទំហឹងបណ្ដាលអ្នកជិះម៉ូតូរងរបួសធ្ងន់ត្រូវបានរថយន្តសាមុយដឹងទៅសង្គ្រោះភ្លាមៗ។
ប្រភពដដែលបានបន្តទៀតថា ក្រោយពេលកើតហេតុរថយន្តនិងម៉ូតូត្រូវបានសមត្ថកិច្ច វាស់វែងនិងអូសយកទៅរក្សាទុកនៅអធិការដ្ឋានខណ្ឌពោធិ៍សែនជ័យដើម្បីរងចាំដោះស្រាយពេលក្រោយ។គូរបញ្ជាក់ផងដែរថា ក្នុងករណីខាងលើនេះបណ្ដាលមកពី អ្នកជិះម៉ូតូ ស្រវិងហើយ បើកបរក្នុងល្បឿនលឿនទៀតនោះពេលដែលមកដល់ ផ្លូវកែងហើយមិនបន្ថយល្បឿនក៏បណ្តាលឲ្យជ្រុលទៅបុករថយន្តខាងលើតែម្តង ៕
ប្រភព៖ ទស្សនៈខ្មែរ
