ភ្នំពេញ៖មន្ត្រីយោធាម្នាក់ត្រូវបានរងរបួសបែកក្បាលដោយសារសមត្ថកិច្ចផ្នែកព្រហ្មទណ្ឌ២ នាក់ព្រួតវាយយ៉ាងដំណំ កាលពីវេលាម៉ោង២៣និង២០នាទីយប់ ថ្ងៃទី១៤ ខែតុលា ឆ្នាំ២០១៣ ត្រង់ចំណុចមុខអាកាសយាន្តស្ថាន ពោធិ៍ចិនតុង តាមបណ្ដោយផ្លូវ សហព័ន្ធរូស្ស៊ី ស្ថិតក្នុងសង្កាត់កាកាប ខណ្ឌពោធិ៍សែនជ័យ រាជធានីភ្នំពេញ។ សមត្ថកិច្ចបានឲ្យដឹងថា ជនរងគ្រោះឈ្មោះជូ ពន្លឺ ភេទប្រុស អាយុ២៥ឆ្នាំ ជាមន្ត្រីយោធានៅកងពល ង៧០ ។
ជនរងគ្រោះឈ្មោះជូ ពន្លឺ បានឲ្យដឹងថា មុនពេលកើតហេតុរួបគេជិះម៉ូតូមួយគ្រឿងម៉ាកស្មាស ពណ៌ខ្មៅគ្នាស្លាកលេខ ធ្វើដំណើរតាមបណ្ដោយផ្លូវសហព័ន្ធរូស្ស៊ី ក្នុងទិសដៅពីកើតទៅលិចខណៈមកដល់ចំណុចកើតហេតុស្រាប់តែមានម៉ូតូសេ១២៥ ពណ៌ខ្មៅ ពាក់ស្លាកលេខភ្នំពេញ1AQ-2940 ជិះគ្នា៣នាក់ ក្នុងនោះមានស្ដ្រីម្នាក់ ធ្វើដំណើរស្របគ្នា បានជិះមកគៀរ។ ភ្លាមនោះគាត់ក៏បានសួថា ហេតុក៏ជិះម៉ូតូអញ្ចឹង ក្រោយមកអ្នកជិះម៉ូតូសេ១២៥ក៏បានឈប់ម៉ូតូហើយដក់សោយក មកវាយបណ្ដាលឲ្យបែកក្បាល ហើយរត់គេចខ្លួនបាត់ស្រមោលបន្សលទុកម៉ូតូនៅកន្លែងកើតហេតុ។
ប្រភព៖ ទស្សនៈខ្មែរ
