ភ្នំពេញ៖ បុរសម្នាក់ត្រូវនឹងម្នាក់ទៀតរងរបួសស្រាល ខណៈពេលដែលពួកជិះម៉ូតូពីគ្រឿង បុកគ្នាតាមផ្លូវ មួយគ្រឿងម៉ាកសេ១២៥ពណ៏ខ្មៅ ពាក់ស្លាកលេខភ្នំពេញ1AN-3664សេរី២០១០នឹងមួយគ្រឿងទៀតម៉ាកសេ១២៥ពណ៏ខៅ ពាក់ស្លាកលេខតាកែវ1C-0419សេរី ២០០៩ នៅចំណុចមុខប្រេងឥន្ទនៈតេលា តាមបណ្ដាយផ្លូវមុនីរ៉េត ក្នុងសង្កាត់ស្ទឹងមានជ័យខណ្ឌមានជ័យ កាលពីវេលាម៉ោង២២នឹង៣០នាទី ថ្ងៃ១៥ខែតុលា ឆ្នាំ២០១៣។
សាក្សីដែលឃើញហេតុការណ៏បានឲ្យដឹងថា មុនពេលកើតហេតុគេសង្កេតឃើញបុរសម្នាក់ជិះម៉ូតូសេ១២៥មួយគ្រឿងជិះតាមបណ្ដោយផ្លូវមុនីរ៉េតក្នុងទិសដៅពីជើងទៅត្បូងក្នុងល្បឿនយ៉ាងលឿន លុះមកដល់ចំណុចកើតហេតុបានជ្រុលចង្កូតធ្លាកជង្ហុក ហើយខណៈនោះស្រាប់តែមានម៉ូតូសេ១២៥មួយគ្រឿងទៀត ជិះតាមផ្លូវមុនីរ៉េត ក្នុងទិស ដៅស្របគ្នា បណ្ដាលឲ្យដួលរងរបួសធ្ងន់ស្រាល ចំណែកម៉ូតូទាំងគ្រឿងត្រូវដួលគរ លើគ្នារងការខូចខាត។
ក្រោយពេលកើតហេតុសមត្ថកិច្ចមូលដ្ឋានបានចុះមកអន្តរាគមន៏នឹងសហកាជាមួយនគរបាលចរាចរជំនាញធ្វើការវាស់វែងលើកយកម៉ូតូទាំងគ្រឿងទៅរក្សាទុកនៅអធិការដ្ឋានខណ្ឌមានជ័យរងចាំដោះស្រាយនាពេលក្រោយ៕
ប្រភព៖ ទស្សនៈខ្មែរ
