 |
| លោកHarry Mason Reid ប្រកាសពីការព្រមព្រៀងលើការអនុម័តច្បាប់របស់សមាជិកសភា |
ភាពជាប់គាំងលើការអនុម័តច្បាប់ថវិកាជាតិរបស់អាមេរិកដ៏ចម្រូងចម្រាសបានធូរស្រាលឡើងវិញហើយ បន្ទាប់ពីសមាជិកសភាមកពីគណបក្សសាធារណរដ្ឋនិងគណបក្សប្រជាធិបតេយ្យបានប្រកាសពីការព្រមព្រៀងមួយលើការអនុម័តច្បាប់នេះកាលពីថ្ងៃពុធ ម្សិលមិញ។
ការអនុម័តនេះមានន័យថា នឹងអនុញ្ញាតឲ្យរដ្ឋាភិបាលសហព័ន្ធអាចកំណត់ដំឡើងកម្រិតប្រាក់បំណុលសាធារណៈក្នុងការខ្ចីប្រាក់ដែលមានរហូតដល់ខែកុម្ភៈឆ្នាំ២០១៤ខាងមុខ សម្រាប់បើកប្រាក់ខែជូនបុគ្គលិករាប់ម៉ឺននាក់ដែលត្រូវបានព្យួរការងារកន្លងមក។
ប្រភពពីសេតវិមានបានឲ្យដឹងថា លោកអូបាម៉ាបានអបអរសាទរចំពោះលទ្ធផលនេះ ដោយជំរុញឲ្យសមាជិកសភាទាំងអស់ត្រូវផ្ដល់ការអនុម័តឲ្យលឿនបំផុត និងមានទំនួលខុសត្រូវខ្ពស់ ដើម្បីឲ្យរដ្ឋាភិបាលអាចទម្លុះភាពទាល់ច្រកបានលើភាពជាប់គាំងនៃការអនុម័តច្បាប់ប្រាក់បំណុល ដែលបានអូសបន្លាយអស់រយៈពេល ២សប្ដាហ៍មកនេះ។
ប្រសិនបើសភាអាមេរិកអាចអនុម័តតាមការគ្រោងទុកមាននោះ រដ្ឋបាលលោកអូបាម៉ានឹងអាចខ្ចីប្រាក់បន្ថែមពីស្ថាប័នហិរញ្ញវត្ថុអន្តរជាតិ ខណៈដែលទឹកប្រាក់នៅក្នុងដៃមានត្រឹមតែ ៣០ពាន់លានដុល្លារប៉ុណ្ណោះ ហើយនេះវាមិនគ្រប់គ្រាន់ឡើយសម្រាប់ការចំណាយទូទៅរបស់រដ្ឋនៅពេលបច្ចុប្បន្ន៕
ប្រភព៖ Sabay
