ក្រាហ្វិកបង្ហាញពីទំហំបំណុលសាធារណៈរបស់អាមេរិក និងម្ចាស់បំណុលអន្តរជាតិ និងវិនិយោគិនក្នុងស្រុក។ តាមក្រាហ្វិកបង្ហាញថា អាមេរិកមានបំណុលចំនួន ១៦,៧ពាន់ពាន់លានដុល្លារ ដែលកាន់កាប់ដោយធនាគារកណ្តាល និងមូលនិធិរដ្ឋាភិបាលចំនួន៦,៧ ពាន់ពាន់លានដុល្លារ វិនិយោគិនបរទេស និងអន្តរជាតិចំនួន ៥,៦ពាន់ពាន់លានដុល្លារ និងវិនិយោគិនអាមេរិកផ្សេងទៀត។
ចិន និង ជប៉ុនគឺជាម្ចាស់បំណុលធំជាងគេរបស់សហរដ្ឋអាមេរិក។
លោកប្រធានាធិបតីអាមេរិក បារ៉ាក់ អូបាម៉ា បានចុះហត្ថលេខាកាលពីព្រឹកថ្ងៃព្រហស្បតិ៍លើច្បាប់មួយ ដើម្បីបញ្ចប់ការបិទសេវាកម្មរបស់រដ្ឋាភិបាលអាមេរិក ដែលមានរយៈពេលពីរសប្តាហ៍ និងផ្តល់សិទ្ធិខ្ចីប្រាក់បន្ថែមទៀតឲ្យក្រសួងហិរញ្ញវត្ថុអាមេរិក។
ការប្រកាសរបស់សេតវិមាន គឺជាចំណែកចុងក្រោយនៅក្នុងល្ខោននយោបាយដ៏ជូរចត់ ដែលបានជំរុញឲ្យមានការរំពឹងពីការការក្ស័យធនបំណុលរបស់អាមេរិក ដែលមិនធ្លាប់មានពីមុនមក និងធ្វើឲ្យទីផ្សារនៅជុំវិញពិភពលោករញ្ជួយ ៕
ប្រភព៖ ភ្នំពេញប៉ុស្តិ៍
