ថ្ងៃ​អាពាហ៍ពិពាហ៍​​​ ដែល​បំភ្លេច​​មិន​បាន​​

ដៃម្ខាង​កាន់​​បាច់​ផ្កា​ ​​ស្រ​វា​ចាប់​​លើក​រ៉ូប​អាពាហ៍ពិពាហ៍​​​​ពណ៌​ស​​​ឡើង​លើ​​ត្រឹម​ក្បាល​ជង្គង់ ​ចំណែក​កូន​កំលោះ ​វិញ​ដៃ​ទាំង​ទ្វេ​បាន​​ចាប់​ទប់​ដំណើរ​​កូន​ក្រមុំ​ខ្លាច​ក្រែង​ដួល​ ក្នុង​ទឹក​មុខ​ញញឹម​ប្រ​ព្រាយ​​ ​​ដើរ​ឆ្លង​កាត់​ភក់​ត្រឹម​ករ​ជើង។រូប​ថត​មួយ​សន្លឹក​ នេះ​ត្រូវ​បាន​អ្នក​ប្រើ​ប្រាស់​​​បណ្ដាញ​សង្គម​ Facebook ​ជាច្រើន​នាក់​ចែក​​ចាយ​តៗ​គ្នា​​ ព្រម​ទាំង​​កោត​សរសើរ​ដល់​គូ​ស្នេហ៍​ទាំង​ពីរ​ថា​​ បាន​បង្កើត​នូវ​អនុស្សាវរីយ៍​ ដ៏​មាន​ន័យ​ ទោះ​​ថ្ងៃ​ក្រោយ​​ត្រូវ​ឆ្លង​កាត់​ឧបសគ្គ​ធំ​ប៉ុណ្ណា ក៏​នៅ​​កាន់​ដៃ​គ្នា​​លុះ​អវសាន។

Popolo Oga Hov អ្នក​ប្រើ​ប្រាស់​បណ្ដាញ​សង្គម​ម្នាក់​បាន​សរសេរ​ថា​៖​ “​ពិត​ជា​មាន​ន័យ​មែន​ ​បើ​បាន​រៀប​ការ​បែប​នេះ​ គឺ​ជា​អនុស្សាវរីយ៍​ល្អ​បំផុត​”។​ចំណែក​Oy Eng អ្នក​ប្រើ​បណ្ដាញ​សង្គម​​ម្នាក់​ទៀត​​បាន​សរសេរ​ថា​៖ “​ទាល់​តែ​អញ្ចឹង​ទើប​ស្រឡាញ់​គ្នា​បាន​យូរ”។

​

ទេវ​ តា​តូច​ ឈ្មោះ​ដែល​ត្រូវ​បា​ដាក់​ ក្នុង​ Facebook បាន​សរសេរ​លើ​បណ្តាញ​សង្គម​ របស់​ខ្លួន​ថា​៖​ “ចឹង​ហើយ​ទើប​ចាស់ៗ​សម័យ​មុន​មិន​ឲ្យ​រៀប​ការ​ ក្នុង​ខែ​ភ្លៀង​”។

ទោះយ៉ាង​ណា​រូប​ភាព​អាពាហ៍ពិពាហ៍​ខាង​លើ​ ត្រូវ​បាន​អ្នក​ប្រើប្រាស់​បណ្ដាញ​សង្គម​មួយចំនួន សង្ស័យ​​ថា​​បាន​រៀប​ចំ​ឡើង​ ក្នុង​ទឹក​ដី​ខ្មែរ​កម្ពុជា​​ក្រោម​ ដែន​ដី​ប្រទេស​វៀតណាម​ ៕

ប្រភព៖ Sabay