.jpg)
ពេលខ្លះ យើងគិតថា បញ្ហានៅពីក្រោយជំងឺមុនរបស់យើងគឺដោយសារតែអតុល្យភាពអ័រម៉ូន ប៉ុន្តែវាមិនមែនជាការពិតទាំងស្រុងនោះទេ។ មុខរបស់យើងអាចពិពណ៌នាអំពីផ្លូវចិត្ត និងសុខភាពរបស់យើងបានដែរ។ គ្រូពេទ្យមួយចំនួនអាចធ្វើរោគវិនិច្ឆ័យបញ្ហាមួយបានតាមរយៈការមើលមុខរបស់អ្នកដោយសារតែព័ត៌មានរបស់ជំងឺបានគូសបង្ហាញនៅលើមុខស្រាប់។ ព័ត៌មានទាំងនោះអាចជាគន្លឹះដ៏សំខាន់នៃរាល់បញ្ហាអាថ៌កំបាំងទាំងឡាយដែលនៅពីក្រោយស្បែក និងរាងកាយរបស់អ្នក។ វិធីសាស្ត្រដ៏ពេញនិយមនោះគឺផ្តោតសំខាន់ទៅលើតំបន់ខុសៗគ្នានៃមុខរបស់អ្នកតែម្តង។
ថ្ងាស
ចូរចាប់ផ្តើមផឹកទឹកអោយបានលឿនបំផុតតាមតែអាចធ្វើទៅបាននៅពេលអ្នកសម្គាល់ឃើញថាកើតមុននៅលើថ្ងាស ព្រោះមូលហេតុរបស់វាអាចទាក់ទងនឹងការរំលាយអាហារមិនបានល្អដោសយារតែជាតិពុល និងកង្វះអុកស៊ីសែន។ ការផឹកទឹកនឹងជួយអោយអ្នកអាចច្រោះជាតិពុលទាំងនោះបាន។ អ្នកត្រូវតែផឹកទឹកអោយបានយ៉ាងហោចណាស់ ៨កែវធំៗជារៀងរាល់ថ្ងៃ និងចៀសវាការញ៉ាំភេសជ្ជៈមានជាតិហ្គាស និងកាហ្វេអ៊ីន។ ចូរយកចិត្តទុកដាក់ចំពោះរបបអាហារ និងព្យាយាមញ៉ាំតែ ជាពិសេសតែបៃតង។
តំបន់អក្សរ T
នេះជាតំបន់ដែលនៅចន្លោះចិញ្ចើមភ្ជាប់គ្នាជាមួយនឹងច្រមុះ។ ដោយសារច្រមុះរបស់អ្នកមានទំនាក់ទំនងនឹងថ្លើម មុនដែលកើតនៅកន្លែងនេះអាចជាសញ្ញាបញ្ជាក់ថាថ្លើមរបស់អ្នកបំពេញមុខងារមិនបានល្អឡើយ។
ជុំវិញភ្នែក
កន្លែងនៅជុំវិញភ្នែកបញ្ជាក់អំពីសុខភាពរបស់តម្រងនោម។ រឿងរ៉ាវទាំងអស់ដែលកើតឡើងនៅជុំវិញភ្នែករួមភេទមានស្នាមរង្វង់ខ្មៅៗទៀតផងនោះសុទ្ធតែបង្ហាញអោយដឹងថាតម្រងនោមរបស់អ្នកបំពេញមុខងារមិនបានល្អទេ ហើយក៏ជាសញ្ញានៃអាការៈខ្សោះជាតិទឹកដែរ។ ចូរទទួលទានទឹកអោយបានច្រើនដើម្បីចៀសផុតពីជំងឺនេះបាន។
ថ្ពាល់
ថ្ពាល់ត្រូវបានបែងចែកជាពីរផ្នែក គឺផ្នែកខាងលើ និងផ្នែកខាងក្រោម។ ថ្ពាល់ផ្នែកខាងលើមានទំនាក់ទំនងជាមួយសួត ដូច្នេះមុខដែលកើតនៅកន្លែងនេះ អាចទាក់ទងនឹងការដកដង្ហើម ឬស្រូបផ្សែងពុលពីបរិស្ថានច្រើនពេក។ បើសិនជាអ្នកស្ថិតនៅក្នុងតំបន់ដែលមានផ្សែងពុល ថ្ពាល់នៅកន្លែងនេះទំនងជាមានលក្ខណៈគគ្រិច និងកខ្វក់ច្រើន។ ការប្រើទូរស័ព្ទដៃអាចផ្តល់គ្រោះថ្នាក់បាន ព្រោះវាបញ្ចេញភាពកខ្វក់មកលើមុខ និងបណ្តាលអោយស្ទះរន្ធញើសទៀត។ ចូរផ្លាស់ប្តូរស្រោមខ្នើយជារៀងរាល់សប្តាហ៍ និងព្យាយាមចៀសវាងការដេកនៅលើមុខដែលមានបញ្ហាហើយ។ ចូរញ៉ាំផ្លែល្ពៅអោយបានច្រើន។
ចំពោះថ្ពាល់ខាងក្រោមជាសញ្ញាបញ្ជាក់អំពីអនាម័យមាត់ធ្មេញមិនល្អ។ បើសិនជាអ្នកកំពុងតែមានបញ្ហាជាច្រើនក្នុងមាត់ហើយ ជាពិសេសលើអញ្ជាញអ្នកពិតជាមើលឃើញបញ្ហាផ្សេងៗទៀតលើមុខរបស់អ្នកយ៉ាងច្បាស់ជាមិនខាន។ ចូរថែរក្សាធ្មេញអោយមានសុខភាពល្អតាមរយៈការដុសធ្មេញជាទៀងទាត់។ ចូរចៀសវាងភេសជ្ជៈមានជាតិហ្គាស និងផលិតផលមានជាតិស្ករ។
ច្រមុះ
ច្រមុះរបស់អ្នកមានទំនាក់ទំនងជាមួយនឹងបេះដូង។ ការហើមច្រមុះ ឬច្រមុះរាងមូលគឺជាសញ្ញាបញ្ជាក់អំពីសម្ពាធឈាមឡើងខ្ពស់។ បើសិនជាអ្នកមានច្រមុះប្រភេទនេះចូរចៀសវាងភេសជ្ជៈប៉ូវកម្លាំង។ ចូរកាត់បន្ថយការញ៉ាំអាហារប្រៃ និងចាប់ផ្តើមញ៉ាំផ្លែឈើ និងបន្លែអោយបានច្រើន។
ត្រចៀក
ត្រចៀកមានទំនាក់ទំនងនឹងតម្រងនោម អ្នកប្រហែលជាមានបញ្ហាត្រចៀកបើសិនជារាងកាយកង្វះជាតិទឹក។ ចូរចៀសវាងការញ៉ាំអាហារមានជាតិប្រៃច្រើន និងកាហ្វេអ៊ីនច្រើន។
ចង្ការ
ចង្ការរបស់អ្នកមានទំនាក់ទំនងនឹងពោះវៀនតូច។ របបអាហារគឺជាអ្នកនាំអោយមានបញ្ហាកើតឡើង។ ដូច្នេះចូរចៀសវាងផលិតផល ឬអាហារធ្វើពីទឹកដោះគោ និងអាហារមានជាតិប្រេង។ មុនលើចង្ការជាសញ្ញាបញ្ជាក់ថា អ្នកមិនកំពុងតែញ៉ាំអាហារដែលផ្តល់នូវសុខភាពឡើយ។ដូច្នេះចូរបន្ថែមអាហារដែលមានជាតិផ្លែឈើ និងបន្លែអោយបានច្រើន និងកាត់បន្ថយអាហារណាដែលមិនផ្តល់នូវសុខភាពចេញវិញ ៕
ប្រភព៖ សុខភាព
ប្រភព៖ សុខភាព
